Ден по смртта на тригодишно дете: Вонреден инспекциски надзор во болницата во Кавадарци

Од:

Вонреден инспекциски надзор има денеска во болницата во Кавадарци, а формирана е и внатрешна комисија во врска со починатото тригодишно дете. Ова денеска го соопштија од болницата, во врска со реакциите на родителите кои побараа испитување на евентуална лекарска грешка во случајот.

Јавната здравствена установа Општа болница со проширена дејност – Кавадарци, испрати соопштение во кое, како што пишува дека „со огромна тага и жал известува дека едно дете на тригодишна возраст кое било прегледано во оваа установа, починало на пат кон Скопје, каде било упатено за понатамошна здравствена грижа“.

– Изразуваме искрено сочувство до семејството. Согласно со законската процедура известен е надлежен јавен обвинител, издадена е наредба за обдукција со цел утврдување на причините за смртта. ЈЗУ Општа болница со проширена дејност – Кавадарци стои на располагање и ќе дадеме целосна поддршка на сите органи што се надлежни за постапување во овој случај, се вели во соопштението.

Како институција, од нивна страна веднаш била формирана внатрешна комисија, што, како што соопштуваат, ќе ги разгледа сите околности поврзани со случајот.

– Дополнително, денеска во ЈЗУ Општа болница со проширена дејност – Кавадарци има вонреден инспекциски надзор од страна на Државен санитарен и здравствен инспекторат, информираат од установата.

Во наредниот период, формираната комисија, после преземените дејствија, ке излегла со посебен извештај поврзан со случајот, после што навремено и транспарентно ке била информирана и јавноста.

– Ја уверуваме јавноста дека безбедноста и здравјето на пациентите како и транспарентноста во работењето се наш врвен приоритет, се вели во соопштението, потпишано од в.д. директорката, спец. д-р Гордана Камчева.

Би можело да ве интересира

Ќе се прави вонреден инспекциски надзор во врска со смртта на тригодишното детенце од Кавадарци

Горан Наумовски

Родителите на момчето од Кавадарци кое почина на пат кон скопските клиники се сомневаат во можна лекарска грешка

Горан Наумовски

Почина тригодишно дете од Кавадарци

Пешак туркал тротинет, удрил во возило и се повредил

43-годишен маж од Кавадарци ја убил својата вонбрачна партнерка

(ВИДЕО) Пожар во болница во Британија, евакуирани се бремени жени