Денеска Власите го одбележуваат својот Национален ден.
Во 1905 години турскиот султан Абдул Хамид Втори донесе Ираде, акт со кој Власите беа признати како посебен народ, со посебен етнички, јазичен и културен ентитет и им е дадено право да се образуваат на својот влашки јазик.
Со одлука пак, на Собранието на Република Македонија од 2007 година по барање на Лигата на Власите, која ги обединува сите организации и културно-уметнички друштва на Власите, 23 мај е прогласен за Национален ден на Власите во Република Македонија.
Влашката заедница, е тесно поврзана со целокупната историја на македонскиот народ, но и на другите етнички заедици кои живејат на овие простори.
Државниот врв им го честиташе националниот ден на Власите.