Научно-стручна дебата на тема: Климатските промени – актуелни состојби, перспективни закани и можни одговори, ќе се одржи денеска во Скопје во организација на Факултетот за безбедност-Скопје (УКЛО) и Институтот за социолошки и политичко правни истражување од Скопје (УКИМ).
Оваа научно-стручна расправа се спроведува во рамки на научно истражувачки проект со наслов „Воспоставување на академска мрежа за истражување и студии во доменот на намалување на ризици од катастрофи“, кој се спроведува од двете институции.
Целта на овој проект претставува актуелизирање на теми поврзани со ризиците од катастрофи, зајакнување на институционалната и персоналната соработка на истражувачите и професионалците кои работат во оваа област, како и генерално подигнување на општата и професионалната свест за процесите кои се поврзани со ризиците од катастрофи.