Синоќа во Битола, во организација на невладината Профицио се дебатираше на тема „Што и до каде е спроведувањето на договорот од Пржино?
Учесници на трибината беа професорот и колумнист Мерсел Билали, граѓанскиот активист Џељо Хоџиќ, пратеникот Хари Локвенец.
„За разлика од другите години, меѓународната заедница стори многу. Ниту оставката на Гордана Јанкуловска и Сашо Мијалков, немаше да се случи доколу меѓународниот фактор не го сработеше своето. Но тоа нема да ни ја заврши работата и да го урне тоталитарниот режим. Ни сто странци, ни сто специјални обвинителки, ни сто најдобри опозициски програми, нема да ја вратат демократијата. Тоа треба да го стори народот, кој треба да се охрабри и јасно да и каже на власта дека ова нема веќе да го толерира. Но ова треба да е опомена и за сите наредни власти дека ќе бидат подложни на судот на народот, доколку се осмелат вака да владеат“, беа дел од дискусиите.
Особено, посочија дискутантите, се битни медиумите, затоа што со слободни медиу, народот ќе ја дознае вистината.
