Градоначалникот на Куманово, Зоран Дамјановски по разговорот во полициската станица истакна дека неговото службено возило било излепено со плакати од носителка на изборна единица .
Тој објасни дека возилото им го дал на неговите помошници, да го однесат во пералница, но по само 200 метри биле запрени од полицијата
– На релација од 200 метри е запрено од полицијата и е направен претрес. Во него е најден документ во кој што има препораки за работа на месните штабови во правниот коментет, односно како да постапуваат посматрачите, согласно со законот. Децата беа упратени кон МВР, но бидејќи возилото е под моја одговорност бев повикан на информативен разговор. Без налог се направи претрес на возилото, нема никаков пропаганден материјал, тоа е само правна процедура на месните штабови во изборниот процес. Ова дефинитивно покажува како се однесува МВР, кон електоратот, граѓаните и во овој изборен процес-наведе Дамјановски.