Дамева: Судии одат на увид со возила на странки, недолично е и отвора сомнеж за пристрасност

Од:

Голем дел од судовите во Македонија во помалите градови немаат службени возила и на увид одат со такси или со приватни автомобили на странките, а тоа не само што е недолично, туку отвора сомнежи за пристрасност, заклучи членот на Судскиот совет, Весна Дамева која на седница на Советот известуваше за работната посета во Основниот суд во Кратово.

– Основен проблем за овој суд е итна и неопходна потреба од обезбедување на службено возило заради нормално функционирање на судот, особено со цел да не дозволиме кој било суд службените должности да ги извршуваат со возила на странки, како што се приморани. Одат на увид или со такси или со возило на странката, што, отвара сомнеж за пристрасност и не е долично. Во мај претседателот на судот испратил писмо до Агенцијата за управување со одземен имот и укажал на неопходноста од службено возило, но нема одговор од оваа институција – образложи Дамева.

Според Дамева, Судскиот совет нема надлежност да набавува возила, но проблемо се изложува затоа што уште пет други суда во Македонија немале службени автомобили.

Министерството за правда било запознаено со проблемот затоа што претседателот на судот пратил приговор, а потребата од набавка на возило стоела и во записникот од посетата во Кратово.

Претседателот на Судскиот совет Сашко Георгиев, кој работеше како координатор на кратовскиот суд рече дека ова е стар тригодишен проблем.

– Три години се обидуваме да обезбедиме возило, за жал неуспешно, а и самиот суд нема доволно средства да набави ново. Но, има можност да се добие од Агенцијата за одземен имот. Таму има нов директор, ќе го поканиме на средба во Судскиот совет во понеделник. Неколку суда немаат возила, во Радовиш, во Крушево. Ќе побараме нова можност, се надеваме директорот позитивно ќе ни возврати – рече Георгиев.

Би можело да ве интересира

Ѓорѓи Андонов и Тодор Поп Панев избрани за судии во Апелациониот суд Штип

Налепниците „НМК“ ќе се делат од утре, бесплатни се

Судскиот совет добил претставка и постапува по одлуката на Врховен суд за зградата на ССМ

Престанува мандатот на Мери Радевска како член на Судскиот совет поради пензионирање

Судскиот совет донесе одлука за престанок на судиската функција на Софија Спасовска Медарска поради избор за член на ДКСК

Кавга во Судски совет: Георгиева вели дека ќе и го поништат изборот за член, а судијата кој го барал тоа бил пензионер и Бугарин

Александар Тодески