Дали може помизерно: Крт од МРТ ја дал неизмонтираната снимка од Катица Јанева на портал

Од:

Порталот Република денеска како што објавуваат „екслузивно“ го набавиле неизмонтираниот материјал од интервјуто на Специјалната јавна обвинителка Катица Јанева дадено за јавниот сервис.

Со тоа, порталот наведува дека била видлива „непрофесионалноста“ на новата урденичка, Санта Аргирова за која потпис ставија лидерите на четирите најголеми политички партии, како и неподготвеноста на обвинителката Јанева.

Порталот пишува дека наводно човек загрижен за непрофесионалноста на МРТ до нив го доставил целосниот материјал, иако тоа е недозволиво и се коси со сите етички и професионални стандарди.

Јасно е дека секој соговорник најчесто прави грешки и затоа материјалот се монтира, но никогаш досега ниту еден медиум не ги објавувал ваквите снимки.

Ваквата саботажа во јавниот сервис уште еднаш покажува дека не е доволно да се замени само главниот и одговорен уредник, туку и целата партиска војска на ВМРО-ДПМНЕ вработена во МРТ кои наместо да се пример за професионалните стандарди во новинарството, продолжуваат со невидено ниски и примитивни обиди да ги деволвираат новинарството и новинарите во Македонија.

Главната и одговорна уредничка мора да утврди кој ја дал снимката, а тоа е лесен процес со оглед дека прв ја има снимателот, а потоа монтажерот на материјалот.

Во „ексклузивата“ на порталот всушност и нема нешто страшно, единствено вештачки се крева фама со цел да се оцрнат имињата на Јанева и Аргирова.

Би можело да ве интересира

Утврдена листата кандидати за членови на Програмскиот совет на Македонската радио-телевизија

37 кандидати се пријавиле на конкурсот за членови на Програмскиот совет на МРТ

Мециновиќ: Зошто седум години не се распишува оглас за генерален директор на МРТ

Катерина Ѓуровски

(ИНТЕРВЈУ) Игор Стојковски, директор на онкологија: Чекор по чекор, Македонија може да стигне до имплементација на моделот на здравствена заштита базирана на вредности

A1on

Јакимовски до Јанева: Ако е моја обврска да го плаќаме греењето, зошто тогаш министерството дава пари?

МТВ: Македонската телевизија ги отфрла информациите од кабинетот на Пендаровски дека Гордана Силјановска-Давкова сама си договорила дуел