„Работното лето” на СДСМ продолжи во Ресен.
Прес конференцијата лидерот на СДСМ, Бранко Црвенковски ја одржа во Ресен, пред спортската сала, која е изградена во време на Социјалдемократскиот сојуз, во салата каде се создадоа и македонските ракометни шампиони, кои што постигнаа одлични резултати на меѓународен план и ја афирмираа нашата земја ширум Европа.
„Секој човек, не само граѓанин на оваа општина, туку и оној што поминува низ Ресен, може да се увери во каква запустена состојба се наоѓаат и локалните и регионалните патишта. Во каква, исто така запустена состојба се наоѓа и каналската мрежа за наводнување.Од ветените вложувања во дистрибутивен центар за откуп на јаболка, како што гледаме нема ништо. И тоа е најдобар показател какво е расположението меѓу граѓаните на општина Ресен, имајќи во предвид дека тука, на овие локални избори ќе одиме со извонредно кадровско решение, со др. Јордан Проевски кој што е добро познат меѓу граѓаните на оваа општина, со свој минат труд, со своја биографија, и на човечки и на работен план“, рече Црвенковски.
СДСМ рече во Ресен оди на сигурна победа.
Битола , рече Црвенковки е еден од поголемите градови и сакаат да биде подоцна со промовирањето на кандидатот за градоначалник и што поблиску до големиот митинг во Скопје.