(ВИДЕО) Црвенковски: Нека бројат како сакаат, плоштадот никогаш не бил толку полн

Од:

Лидерот на СДСМ, Бранко Црвенковски, од плоштадот Македонија ги повика сите граѓани на државата да се одлучат, каква Македонија сакаат. Тие со државата се однесуваат како аздисани деца. Имаме земја на блокирани сметки, двојно го зголемија долгот, живееме на кредити, се владее со страв и закани, сами апсат, сами тужат, зацрнија цели семејства.

Ова е држава на невиден криминал, изрекетираа се живо, нема тендер што не е наместен. Цело време зборуваат за транзицијата, а како ќе го наречат човекот, кој купи земјоделски комбинати, банка, ресторани, медиумски куќи и сосема случајно е пријател на „фамилијата“. Каде завршија и на чија сметка се парите од увозот на струја, од 5 пати поскапите споменици?

Црвенковски рече дека власта ја обвинува опозицијата, дека само критикува, а не нуди решенија.

„Еве да им кажеме, каква Македонија сакаме. Во нашата Македонија, државата ќе троши колку што има. Додека невреботеноста и сиромаштијата не се преполоват, нема да се градат фонтани, ниту мебел ќе се купува, а кредити само ќе се земаат за изградба на автопати и енергетски комплекси“.

Приоритет е битката за нови работни места, секој инвеститор кој ќе вработи нови луѓе ќе биде херој. Тој упати порака до бизнисмените.

„Ве гледам џабе ви е трудот, џабе е капиталот, кога на секоја шега на премиерот мора да аплаудирате и na секоја шуша од власта рекет да плаќате“.

Тој ги повика бизнисмените и стопанствениците во заdеничка битка за поинаква Македонија, каде државата ќе го плаќа сработеното, а за секое доцнење ќе плаќа камати.

„Ако има бесплатно земјиште за странски инвеститори, ќе има и за вас. Ќе се бориме за Македонија, во која секој што ќе ви побара рекет, ќе остане и без рака и без функција, а сега вие бирајте“.

Тој им се обрати и на интелектуалците и на лекарите, велејќи – Во секоја држава вие сте елита, со слободоумноста влечете, а овде каде сте? Целосно деградирани, потценети, како мафија со бели мантили. Но, ова според Црвенковски е освета на учените и недоучени.

Министер за здравство во нашата влада ќе биде еминентен доктор, министер за образование ќе биде само професор, па вие бирајте.

Црвенковски на собраните вечерва им рече дека пишуваат историја.

„Нека не бројат како сакаат, плоштадот вака полн не бил никогаш. Да можеше Александар Велики да прозбори, ќе кажеше – Тоа што никој не можеше, тоа го направивте, ме сардисавте од сите страни“.

Би можело да ве интересира

Филипче: Потребна е промена на организациската поставеност за поголемо вклучување на членовите

Предраг Петровиќ

СДСМ: ДПМНЕ го излажа народот, Митева и 77-те послушници на Мицкоски имаа можност да зборуваат ама молчеа

Предраг Петровиќ

(ВИДЕО) Конгресот на СДСМ ќе продолжи откако општинските организации ќе се произнесат за Извештајот за претседателските и парламентарните избори

СДСМ го одржува 29. Конгрес – Ковачевски вели: Очекувам партијата да излезе посилна и пообединета

Горан Наумовски

СДСМ на отчетен Конгрес ќе ги анализира изборните резултати

(ВИДЕО) Филипче: Недостасува јавна и експертска дебата, има нејасни сегменти за поделба на министерствата