„Чувствуваме обврска поради погрешните и погубни политики на власта, тоталниот економски дебакл, долговите и апатијата суспендирањето на демократијата и комплетната меѓународна изолација, да ја интензивираме соработката“.
Вака како што и самите признаваа, жестоките политички противници кои некогаш водеа тешки политички битки, Црвеновски и Георгиевски ја оценија денешната средба и натамошната соработка. Сметаат дека средбата дава основи за оптимизам за интензивирање на соработката и можно формирање предизборна коалиција. Потсетија-„сме имале разлики ама сме соработувале и во 1991 година за Уставот и референдумот, и во 2001 година кога на Македонија и се закнуваше војна“.
Она што ги спојува е Груевски, а разликите како онаа за Тодор Александров, остануваат.
Отворени се и имаат желба и за соработка и за вклучување на албанска политичка партија, а принципот по кој што работат е за разликите да не дискутираат, туку за она што ги спојува. И на оваа и на претходните средби никој не поставувал услови. За таква соработка, без условување се подготвени и сакаат да разговараат со албански политички субјект.
Катерина Цаневска Арсовска