Црногорскиот премиер Душко Марковиќ денеска ќе престојува во официјална посета на Република Македонија.
Во делегацијата, што ја предводи премиерот Марковиќ, се и Осман Нурковиќ, министер за транспорт, Предраг Митровиќ, амбасадор на Црна Гора во РМ, Александар Ераковиќ, главен политички советник на Претседателот на Владата на Црна Гора, Владимир Бератовиќ, советник за странски инвестиции и Срѓан Кусоваќ, советник за односи со јавност.
По пристигнувањето на скопскиот аеродром, црногорската делегација прде Владата на Република Македонија ќе биде пречекана со највисоки државни почести со интонирање на државните химни на двете држави, рапорт на командантот на почесната воена гардиска единица и меѓусебно претставување на државните делегации.
Според Програмата, предвидена е билатерална средба на македонската и црногорската делегација, како и тет-а-тет средба меѓу премиерите Заев и Марковиќ.
