Градоначалникот на општина Струга Рамиз Мерко донел одлука со која се збранува шетање во бикини на јавни места во градот и покажување голотија низ чаршијата.
На официјалната страница на општина Струга на Фејсбук, градоначалникот ја објавил својата одлука со фотографии на кои има знаци со знак за забрана на носење на бикини или гаќи за капење во централниот дел на градот, а се известуваат туристистите да не ја изнесуваат својата голотија на јавни места, за да се зачува позитивната слика за Струга.
„Заради почитување на јавниот ред, особено во летната туристичка сезона, низ централното шеталиште (од чаршискиот мост до зелениот пазар) во текот на денот е забрането шетање во бикини и гаќички за плажа.
Ги замолуваме сите гости и туристи кои се разладуваат на езерото или на Црн Дрим да ги почитуваат правилата за добро однесување и јавен ред со тоа што не изложуваат голотија на јавни места и простори.
Вашето однесување е слика за градот, затоа заедно треба да се обидеме да ја зачуваме позитивната слика за една туристичка дестинација како што е Струга“, соопштија од општината.