Александар Чичаковски, поранешниот претседател на Државната изборна комисија, кој поднесе оставка, па беше разрешен поради тоа што со неговите колеги тајно си поделиле бонуси, аплицирал на огласот за судија во Управниот суд. Ова беше соопштено на денешната седница на Судскиот совет, за проверката на знаењата на кандидатите за избор на судии во Управниот суд.
Од разрешените во ДИК за бонусите, речиси сите ексчленови се вдомија: Виолета Дума го советува премиерот за 40 илјади денари месечно, Субхи Јакупи беше избран во Вишиот управен суд, Игор Милев е советник во Царина.
Аферата со бонусите во ДИК ја објави ексамериканскиот амбасадор во земјава, Џес Бејли за парламентарните избори во 2016 година.
Васко Маглешов
