Четворица припадници на безбедносните сили се задржани за медицинска опсервација. Двајца се со удари во пределот на главата преку шлем, еден во пределот на натколеницата и еден во пределот на абдоменот, информираат од Министерството за здравство.
Во Општата болница во Гевгелија прегледани се неколкумина припадници на безбедносните сили. Сите со полесни повреди и вонживотна опасност.
Со цел подготвеност и навремено реагирање на здравствениот систем, поставено е уште едно возило на итна медицинска помош во пунктот во Гевгелија, а дополнителни екипи од Здравствениот дом Кавадарци, Велес, Скопје и другите здравствени домови на ротациска основа ќе бидат дежурни во Центарот за итна помш во Гевгелија.