Четворица новозаразени од Ковид-19 во МВР и исто толку во државен карантин

Од:

Четворица припадници на Министерството за внатрешни работи вчера се новорегистрирани случаи со коронавирус, потврдуваат оттаму за „А1он“. Станува збор за еден вработен во Одделот за обезбедување на објекти и личности, двајца во Секторот за компјутерски криминал и дигитална форензика при БЈБ и еден во Регионалниот центар за гранични работи Север. Засега, нема информација дали новозаразените се заразиле на работното место.

Вработени во министерството за внатрешни работи има и во државните карантини, откако се вратиле од земјите со висок или среден ризик од коронавирус. Станува збор за четири лица, но непознато е од каде се враќале и дали биле испратени од МВР или патувале приватно.

Со последните случаи, бројот на заболени лица од коронавирус во МВР се искачува на 39 активни случаи. Поради контакт со заболено лице, 170 вработени во министерството добиле решенија за изолација.

Меѓу заразените од изминатите денови е и советникот на техничкиот министер, Наќе Чулев, службеници кои работат во граничната полиција, односно ја обезбедуваат јужната граница, како и вработени во Единицата за брзо распоредување.

Би можело да ве интересира

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност

Јанев за акцијата во Куманово: Криминалната група дејствувала повеќе од пет години