На советник од Кабинетот на техничкиот министер за внатрешни работи, Наќе Чулев, му е дијагностицирано дека е заболен од коронавирус.
Тој тестот го направил пред четири дена. Од МВР велат дека советникот не се инфицирал додека извршувал работни задачи.
„Последен пат бил на работа на 02.06, а тестот го направил на 06.06, кога е потврдено дека е позитивен. Последната средба на Министерот со лицето била на 24.05.2020. Досега ниту едно лице од Кабинетот на министерот не е во изолација. Исто така, Министерството за внатрешни работи ги презема сите неопходни мерки за заштита на сите вработени во министерството“, велат од МВР.
Во МВР досега, без советникот на Чулев, евидентирани се 27 случаи на заразени вработени. Последните пет заразени се регистрирани минатата недела, а во изолација се 56 припадници на МВР.