Шефицата на Мисијата на ОБСЕ во Скопје, Нина Суомалаинен, во пресрет на Меѓународниот ден на Ромите 8 април, упати честитка до ромската заедница и изрази желби за соживот и хармонија меѓу сите заедници.
– Меѓународниот ден на Ромите не значи само одбележување на ромската култура, тоа е и ден кога општествата треба да погледнат со какви предизвици Ромите се соочуваат секојдневно, во сите сфери на живеење, истакнува Суомалаинен.
Таа во честитката ги поздравува напорите на институциите, како и сите други иницијативи кои имаат цел да инвестираат во Ромската заедница.
– Дозволете ми да истакнам дека кохезијата меѓу заедниците и особено инклузијата на Ромите, не е задача само на владата, туку е и задача на сите граѓани. Ги охрабрувам државните власти да работат заедно, со цел да се постигнат целите поставени во усвоената Национална стратегија за Ромите, заклучи Суомалаинен.