Претседателот на Социјалдемократскиот сојуз на Македонија Бранко Црвенковски, денеска, по повод Националниот ден на Власите упати честитка до сите граѓани на Република Македонија, припадници на влашката заедница.
– Во мое лично име и од името на СДСМ на сите припадници на влашката заедница во Република Македонија им го честитам овој голем ден со искрени желби за успешно промовирање, негување и ширење на влашката култура и традиција во Република Македонија, вели во честитката Црвенковски.
Власите, како што посочува, низ историјата имаат значаен придонес во градењето на македонската држава и во негувањето на различностите и меѓуетничката толеранција во нашето општество преку промовирањето на сопствените културни вредности.
– Со заедничкиот стремеж за унапредување на меѓусебните односи даваме пример на нашите деца и праќаме порака за почитување и соживот во Република Македонија, додава Црвенковски.