Претседателот на Собранието на Република Македонија Трајко Вељаноски, по повод одбележувањето на најсветиот еврејски празник Јом Кипур, упати честитка до претседателот на Еврејската заедница во Република Македонија, Берта Романо-Николиќ и до сите припадници на Еврејската заедница во Македонија.
– Во пресрет на големиот еврејски празник Јом Кипур, имам особена чест и задоволство од мое лично име и од името на пратениците во Собранието на Република Македонија, Вам и на сите припадници на Еврејската заедница, да Ви упатам најискрени желби за мир, љубов и среќа.
Во овие празнични мигови бидете исполнети со духовен мир, надеж и со убави и чисти мисли.
Силно сум убеден дека заеднички можеме да го одиме патот кон просперитетот и развојот на нашата држава. Преспективна иднина за нас и нашите деца можеме да имаме само ако меѓусебно се почитуваме, безусловно се подржуваме и заеднички да ги делиме вредностите на разбирањето, мирот и толеранцијата, се вели во честитката од Вељаноски до припадниците на Еврејската заедница во Македонија.