Лидерот на Демократската унија за интеграција Али Ахмети испрати честитка до претседателот на Демократската партија на Косово, Хашим Тачи по повод постигнатиот успех на вонредните парламентарни избори.
– Изборниот процес во Косово го следев одблиску и им честитам на сите политички партии и граѓани на Косово кои придонесоа за спроведување на фер, слободни и демократски избори во согласност со меѓународните стандарди. Извојувањето на победа и добивањето на довербата на граѓаните претставува голема одговорност и јас Ве поканувам веднаш да започнеме со работа и да продолжиме со нашите заеднички напори за да ги приближиме уште повеќе нашите граѓани создавајќи им услови за удобно секојдневие без административни пречки, се вели во честитката.
Оваа честитка, додава Ахмети, доаѓа на 136-годишнината од Призренската лига, затоа морам да напоменам дека нашите братски врски со Косово се природни и затоа сум убеден дека нашата соработка нема да недостасува и ќе напредува секој ден повеќе.