Директорот на Комисијата за односи со верските заедници и религиозни групи, Валентина Божиновска упати честитка до Светиот Архиерејски Синод и до македонскиот народ по повод Денот на сесловенските просветители Св.Кирил и Методиј.
Светите браќа Кирил и Методиј, се посочува во честитката, со својот подвиг, со нивното учителствување ги надминаа сите земни дела и ни подарија слово, азбука, ја воздигнаа нашата вера и ни оставија порака дека само совршените по разум и правоверните можат да ја допрат цивилизацијата.
-Браќата Кирил и Методиј со право се возвишени апостоли на словото и со право се закитени со праведниот венец. Браќата Кирил и Методиј им ја понудија книжевноста и азбучната ризница на сите словенски народи во Европа и станаа образец за светот, а нивните подвизи до ден денес се животворен здив за македонската нација. Нивните свети и возвишени имиња се во молитвите од сите нас и аманетот да се распостели семето на образованието и учењето како наш постојан подвиг, стои во честитката на Божиновска.