На денешната седница на Централниот одбор на зелената партија ДОМ беа утврдени предлозите за членови на Централниот и Надзорниот одбор на ДОМ, за кои ќе се одлучува на Петтиот конгрес на ДОМ информираат од партијата.
– Централниот одбор на ДОМ ја утврди актуелната претседателка на ДОМ, Маја Морачанин како единствен предлог за претседател на партијата.
Согласно внатрепартиските демократски принципи, кандидатите за претседател и членови на Централниот и Надзорниот одбор на ДОМ ги предлагаат членовите на општинските организации, МОДОМ и Форумот на жени на ДОМ. На 16.10.2022 Централниот одбор на ДОМ донесе одлука за одржување на Петтиот конгрес на ДОМ, на 27.11.2022. На 18.10.2022 ДОМ објави јавен оглас во два печатени медиуми, во кој ги повика членовите на ДОМ да се пријават до општинските организации во нивните места на живеење, за изразување интерес за кандидирање за членови во органите и телата на ДОМ што ќе бидат избрани на Конгресот се вели во соопштението од партијата.