Цаца Николовска: Неприфатливо е прислушувањето на телефоните во обвинителството

Од:

За претседателката на Институтот за човекови права и поранешна судијка во Европскиот суд за човекови права во Стразбур, Маргарита Цаца Николовска, најновиот случај со прислушувани телефонски разговори во зградата на Републичкото Јавно обвинителство е неприфатлив. Таа се надева дека истрагата ќе ги даде потребните одговори.

– Има многу прашања кои треба да се разрешат и се надевам дека истрагата ќе даде одговор. Веќе се во оптек многу прашања – кој дозволил и ја поставил таквата опрема и со која цел, дали и колку се прислушувани… Сето тоа се работи кои во моментов не можам да ги коментирам затоа што немам доволно факти да ги елаборирам, но во секој случај ова е многу непријатна работа, изјави Цаца Николовска одговарајќи на новинарско прашање пред почетокот на денешната дебата „Дали новите реформи ќе ги решат старите предизвици во судстството“.

Претседателот на Судскиот совет на Република Македонија, Зоран Караџовски вели дека треба да се утврди што точно е направено и дали на законски или незаконски начин е прислушувано.

– Ако е направено на незаконски начин, треба да се одговара, рече Караџовски, додавајќи дека кај нив централата е толку стара што нема шанса да има уред за прислушување.

Случајот со прислушувањето на фиксните телефонски линии во зградата на Републичкото јавно обвинителство на 30 ноември го обелодени државниот јавен обвинител, Љубомир Јовевски. Тој кажа дека сите фиксни броеви од телефонската централа во ЈОРМ биле прислушувани од 30 септември 2016 година, но оти има индиции дека почнало уште во 2013.

Би можело да ве интересира

Обвинителот Џељаљ Бајрами e избран за претседател на Комисијата за изборни нерегуларности

Љупчо Коцевски избран за нов државен обвинител

Сарамандова и Пеливанов стануваат виши обвинители: Советот ги одбра од 16 пријавени кандидати

Александар Тодески

Се кратела ли терапија од пациенти, се препишувале ли лекови на починати, каде завршиле скапите лекови – хаос во документацијата на Онкологија

Тројца онколози и двајцата директори осомничени за скандалот Онкологија – обвинителството отвори постапка

Васев уште е во полициска станица, обвинителството треба да одлучи какви мерки ќе бидат побарани

Александар Тодески