Бугарски „Фокус“: Груевски ја напуштил Унгарија, негова крајна дестинација е Русија или Турција

Од:

Според сè уште непотврдена информација, поранешниот македонски премиер Никола Груевски веќе ја напуштил Унгарија, објави бугарската агенција „Фокус“ повикувајќи се на изјава од висок претставник на ВМРО-ДПМНЕ. Истиот извор рекол дека крајна дестинација на Груевски е Русија или Турција.

Во текстот, бугарската агенција ги цитира и изјавите на премиерот Зоран Заев кој вчера го постави прашањето дали Груевски заминал доброволно или можеби е киднапиран.

„Ќе направам сè за Груевски да ја отслужи казната во Македонија. И јавно го поставувам прашањето – дали Груевски ја напуштил Македонија доброволно или можеби бил киднапиран. Очекувам одговори од Груевски и од Унгарија“, рече вчера Заев.

Денеска, пак, од ВМРО-ДПМНЕ соопштија дека со целата тежина на премиерската функција Заев ја обвинил Република Унгарија дека го киднапирала Груевски.

„Со сета тежина на премиерската функција, Заев вчера на два пати ја обвини Република Унгарија дека киднапирала македонски граѓанин, поранешен премиер, почесен претседател на опозицијата, притоа, лице кое е дел од правен процес. Ваков срам Република Македонија не заслужува, изјави Наум Стоилковски, портпарол на ВМРО-ДПМНЕ.

Би можело да ве интересира

Лавров: За постигнување мир со Украина мора да се исполнат пет услови

Вреди: Функционери на ДУИ се обидоа по секоја цена да го вратат Никола Груевски на власт и да го ослободат Сашо Мијалков

(ВИДЕО) Голем број повредени во денешниот воздушен напад врз Харков

Горан Наумовски

Песков: Сè уште чекаме на преговори со Киев

Кина: Не сакаме Русија да ја изгуби војната во Украина

Руски пилот осуден на 12 години затвор за предавство и финансирање на украинската војска