Основачот на Телеграм, Павел Дуров, изјави дека обидот на Русија да блокира виртуелни приватни мрежи (VPN) довел до проблеми со домашниот систем за плаќање, предизвикувајќи хаос кај десетици милиони корисници.
Според Дуров, некои клиенти не можеле да платат, па затоа московското метро дозволило влез без плаќање, додека регионалната зоолошка градина, на пример, ги принудила посетителите да користат готовина, објави Ројтерс.
„Нивните обиди за блокирање предизвикаа масовен банкарски колапс“, рече Дуров на Телеграм, додавајќи дека целата нација се мобилизирала за да ги заобиколи дигиталните ограничувања.