Министерот за информатичко општество и администрација Дамјан Манчевски и амбасадорот на Обединетото Кралство на Велика Британија и Северна Ирска, Чарлс Гарет, денеска, во просториите на Министерството ќе потпишат меморандум за соработка.
Како што соопшти МИОА, Меморандумот за соработка е дел од проектот за поддршка на Република Македонија во реформа на јавната администрација во неколку области како што се: стратешко планирање и носење јавни политики, управување со човечки ресурси, подобрување на регулативата и отворени податоци.