Сакаме да ја видиме Северна Македонија како напредува во процесот на пристапување во Европската Унија, објави високиот претставник на ЕУ за надворешна политика и безбедност Жосеп Борел на Икс информирајќи за негова средба со министерот за надворешни работи и надворешна трговија Тимчо Муцунски на маргините на Самитот на НАТО во Вашингтон.
– Среќен сум е што се сретнав со новиот министер за надворешни работи на Северна Македонија, Тимчо Муцунски. Северна Македонија е наш силен сојузник. Добрососедските односи и регионалната соработка мора да останат приоритет за земјата. Сакаме да ја видиме Северна Македонија како напредува во процесот на пристапување во ЕУ, наведе Борел во објавата.
Happy to meet with new Foreign Minister of North Macedonia @TimcoMucunski.
North Macedonia is our strong ally. Good neighbourly relations & regional cooperation have to remain a priority for the country.
We want to see North Macedonia move forward in the EU accession process. pic.twitter.com/oK6QSdC3jJ
— Josep Borrell Fontelles (@JosepBorrellF) July 11, 2024
Муцунски беше дел од македонската делегација предводена од премиерот Христијан Мицкоски која претходните три дена учествуваше на средбата на шефови на држави или влади на членките на НАТО што се одржа во Вашингтон. Во состав на делегацијата беа и министрите за одбрана и за внатрешни работи, Владо Мисајловски и Панче Тошковски.
