Бојан Јовановски останува во притвор, жалбата му е одбиена

Од:

Бојан Јовановски – Боки 13, останува во истражниот затвор во Шуто Оризари. Апелацискиот суд му ја одби жалбата, по јавната седница што се одржа во петокот, на која тој понуди имот од над 140 илјади евра за да излезе од притвор.

Јовановски долго време се жали на неговата здравствена состојба, тврди дека му се потребни посебни хигиенско – диететски услови поради проблемите со желудникот, кои ги нема во затворски услови. Но, овие образложенија не се прифаќаат ниту од Кривичниот, ниту од Апелацискиот суд.

Тој е во притвор за случајот „Рекет“ од јули минатата година.

На јавната седница во Апелацискиот суд во петокот тој како гаранција ја понуди куќата во вредност од околу 102 илјади евра и деловен простор во вредност од околу 40 илјади. Дел од куќата е на негов прв братучед и локал на неговата мајка.

Одбраната бара неговата жалба да се уважи и Јовановски да се брани од слобода, да му биде одреден куќен притвор или други мерки на претпазливост.

Тој пред апелациските судии уште еднаш повтори дека бил уценуван да посочи дека се виновни Катица Јанева и Фросина Ременски, за да излезе од притвор.

Во меѓувреме, продолжува судењето за случајот „Рекет“ – од утре до петок секој ден се закажани рочишта каде како сведоци треба да се појават повеќе лица предложени од одбраната на Бојан Јовановски.

Би можело да ве интересира

Јовановски: Тврдењата на обвинителката се цитати од филмови, а не цврсти докази

А1он

Заев: Изјавите на Бојан Јовановски се неточни

А1он

Русковска контра Јовановски: Има слика со торбата, време и локација каде што живеат неговите родители

Кристијан Ландов

Притвореник од затворот во Шутка починал од срцев удар, посмртно утврден коронавирус

А1он

Апелациониот суд Скопје ги одложи јавните седници и расправи закажани за наредниов месец

А1он

На 23 март ексобвинителите од СЈО ќе сведочат за „Рекет“ по предлог на Јанева