Бочварски не чувствува одговорност за парцелата спроти „Холидеј ин“

Од:

Министерот за транспорт и врски Благој Бочварски не чувствува одговорност за парцелата спроти хотелот „Холидеј ин“ каде што е предвидена изградба на висококатници, затоа што, како што вели, била формирана стручна комисија и Министерството нема надлежност да менува планови на која било општина.

Одговарајќи на новинарски прашања пред денешната стручна дебата за новиот закон за градење, Бочварски рече дека Министерството не може да блокира или стопира урбанистички планови, туку дека тоа е исклучиво надлежност на локалните самоуправи.

Секоја општина, вели, има легитимно право да донесе урбанистички план, да го промени или да побара суспензија.

– Министерството за транспорт и врски не носи детални урбанистички планови во Центар, ниту суспендира детални урбанистички планови во која било општина. Тоа исклучиво го прави општината со Советот на општината. Не случајно кажавме дека Општина Центар има можност сама доколку смета да си донесе одлука каква што треба да донесе. Исто така, не мора која било општина да тргне во насока на супензија на одредени планови за да блокира нешто, туку може во кој било момент да започне постапка за преработка, доработка или нов урбнанистички план на таа локација, рече Бочварски, додавајќи дека ова и било предочено на Општина Центар.

Вели дека треба точно да се лоцираат штетите по јавниот интерес, а во однос на тоа дали градоначалникот на Центар ја замајувал јавноста, Бочварски со став дека градоначалникот има свои ингеренции и со тоа можел да делува во целиот изминат период со Советот на општината.

– Тие носеа серија на одлуки, вклучувајќи ја и онаа за мораторумот на плановите во Општина Центар, така што тие се бореа во однос на ова прашање, но по одлуката на Уставниот суд за стопирање на ваквата постапка за мораторумите, беше јасно дека сите урбанистички планови се во сила. Така што, апсолутно не би сакал да навлегувам во постапките на Општина Центар. Тоа се нивни одлуки, одлуки кои треба да се дискутираат во Советот на Општина Центар за тоа што е најдобро за граѓаните на Центар, рече Бочварски.

Би можело да ве интересира

Бочварски – Митровиќ: Преку размена на искуства до правилна урбнизација на просторот

А1он

Бочварски: Со анексот само се продолжува рокот за изградба на автопатот Кичево – Охрид, нема дополнителни трошоци

А1он

Богдановиќ: Изградбата на зградите кај „Холидеј Ин“ не може да влијае на изборите оти Центар покажа спремност да направи промени

„НаТочак“: Планот спроти „Холидеј Ин“ е небезбеден, недемократски и автоцентричен

Ана Ололовска

Граѓанската иницијатива „Зелен хуман град“ поднесе претставка до Инспекциски совет за ДУП-от кај „Холидеј Ин“

Ана Ололовска

Бочварски вели дека со измените на Законот за градење се олеснуваат процедурите

Жарко Настоски