Екипи на локалното комунално претпријатие „Комуналец“ ги отстрануваат откорнатите и скршените дрвја кои паднаа по синоќешниот силен ветер во Битола.
Акцијата се реализира на повеќе локации, но приоритет е даден на места каде е попречен сообраќајот или локации каде се собираат деца и млади, каков што е детскиот парк во граскиот парк, информираа од ЈП „Комуналец“-Битола.
Во Битола ноќеска дуваше силен ветер со посебно силни удари во периодот од 2 до 4 часот утрово, кој предизвика штети на покриви на куќи и згради, спречи нормално функционирање на уличното осветлување, а воедно предизвика и немир кај битолчани во текот на ноќта.