Градот на конзулите, Битола, денеска го слави 4-ти Ноември, Денот на ослободувањето на овој град. Вчера вечер по 53 пат се одржа ноќната атлетска трка на која учествуваа ученици, средношколци, студенти и граѓани рекреативци од овој град.
Денеска, во Народниот театар во ќе бидат поделени највисоките општински признанија и награди, а годинешен добитник на наградата за животно дело е режисерот Љубиша Георгиевски, актуелен амбасадор на Република Македонија во Република Србија, додека наградата за едногодишни врвни постигнувања ќе им биде врачена на параолимпијката Оливера Наковска-Бикова и на ансамблот на Битолскиот театар.