Бебе од Куманово – 14 месечно е хоспитализирано откако дошло во контакт со средство за чистење, по што е пренесено во Кумановската болница.
Од СВР-Куманово информираат дека случајот е пријавен синоќа.
„На 10.06.2026 година во 20:14 часот во СВР Куманово, од Општата болница Куманово било пријавено дека кај нив било донесено 14-месечно дете од Куманово кое било затруено од средство за чистење“, соопштија од полицијата.
По пријавата, полициски службеници извршиле службен разговор со мајката на детето, а увид на местото направила увидна екипа од СВР Куманово.
Надлежните институции преземаат мерки за целосно расчистување на околностите под кои дошло до инцидентот.