Автобусот во кој изгореа 45 лица не бил пријавен, почната е постапка за одземање на лиценцата на „Беса транс“

Од:

Автобусот кој изгоре и во кој животот го загубија 45 лица,не бил пријавен за вршење меѓународен превоз, обзнани министерот за транспорт и врски, Благој Бочварски.

Тој посочи дека „Беса транс“ има пријавено четири возила, но опожареното, не е меѓу нив. Бочварски, кажа дека Инспекторатот за транспорт требало да контролира дали превозникот имал лиценца за тоа возило. Сега, отпочната е и постапка за одземање на лиценцата на превозникот, а Инспекторатот ќе направи вонреден инспекциски надзор.

„Министерството издава лиценца за меѓународен превоз на патници и извод од патници за меѓународен превоз на патници. Возачот мора да има меѓународен сертификат за превоз на патници. Во системот на МТСП, конкретниот превозник е заведен со четири возила кои имаат лиценци за превоз. Превозникот може да врши превоз на патници откако ќе добие лиценца за моторното возило. По добиените информации од МВР за опожареното возило, констатиравме дека тоа не било пријавено и поради тоа го нема во базата на Министерството за транспорт и врски. Превозникот е должен веднаш, а најдоцна за 15 дена сите промени настаните во поглед на исполнување на условите, тоа е пријавување или одјавување на возило или возач“, кажа Бочварски.

Тој посочи дека компанијата чиј автобус беше опожарен, ги исполнила условите да добие лиценца за превоз на патници.

„Се работи за утврдување на причините за несреќата. Од аспект на министерството со кое раководам, превозникот на 18.07.2018 година доставил барање за добивање на лиценца за превоз на патници. Има целосна документација и ги исполнил условите, за што му е дадена лиценца за превоз на патници. Тој имал уредна документација за техничките услови. Доставил список од ПИОМ за возачи во редовен работен однос. Ги исполнил условите и му била издадена лиценца. Според комплетната документација, превозникот до овој момент има уредна лиценца за меѓународен превоз на патници“

Би можело да ве интересира

Европратеникот Илхан Ќучук го посети ОУ „Исмаил Ќемали” во Чаир

Ана Ололовска

Филипче: Двајцата пациенти се стабилни, хоспитализирани на Пластична хирургија

Ана Ололовска

Бугарска министерка: Пожарот во македонскиот автобус е многу чуден, почнал многу брзо

Ана Ололовска

Двајца од повредените во автобуската несреќа денеска се транспортираат во Македонија

Мери Јордановска

ДНК-анализите, изјавите од сведоците и документацијата за автобусот се предадени на бугарското обвинителство

Мери Јордановска

Османи за бугарската НОВА: Тоа што се случи покажува дека сме најблиски соседи, блиски пријатели и можеме да си помагаме и во добро и во лошо

Ана Ололовска