АВМУ: Најостра осуда за недоличниот однос на директорот на топланата Скопје-Север кон новинарката Додевска

Од:

Агенцијата за аудио и аудиовизуелни медиумски услуги најостро го осудува недоличниот однос на директорот на топланата Скопје-Север, Куштрим Рамадани кон новинарката Катерина Додевска на порталот „МКД.мк“.

„Упатувањето вулгарни навреди во ниту еден случај не смее да биде начин на комуникација на носителите на јавни фунцкии, затоа што со самото прифаќање на позицијата нивната работа е предмет на надзор на јавноста и на потенцијално силна јавна критика преку медиумите. Истовремено тие треба да бидат свесни дека имаат одговорност за секој искажан збор и дека мора да се воздржат од секаков вид недолична и непримерна комуникација.

Попречувањето на работата на новинарите претставува загрозување на слободата и правото на информирање. Неопходно е на медиумските работници да им се овозможи професионално да си ги извршуваат своите обврски, пред се, имајќи ја предвид нивната улога во отворањето прашања од јавен интерес и обезбедувањето транспарентност и одговорност на политичките и јавните органи“, велат од АВМУ.

Би можело да ве интересира

ЗНМ и МВР: Преку подобра комуникација до поголема безбедност на медиумските работници

Ана Ололовска

АВМУ: Премиерот да се воздржи од искажување лични ставови за медиумите

ЗНМ: Непримерно етикетирање на медиумите и од премиерот Ковачевски

ЗНМ: Oсуда за заканите кон новинарите и медиумските работници на Канал 5

Ана Ололовска

ЗНМ: Али Ахмети не смее да етикетира медиуми

Ана Ололовска

АВМУ: Осуда за заканите упатени кон ТВ Канал 5

Ана Ололовска