Законот за марихуана кој Зоран Заев на сила го турка како предлог од Владата и кој сака да биде изгласан во Собранието има за крајна цел да го легализира бизнисот со марихуана на Заеви. Овој закон не е ништо друго туку личен закон за бизнисите на Заев што ќе му овозможи лично богатење нему и неговата фамилија рече на прес конференција портпаролот на ВМРО-ДПМНЕ, Димче Арсовски.
„Тоа го прави со нова злоупотреба на европското знаменце, иако нема унифицирана европска регулатива за ова. Со овој закон Заев сака да овозможи освен за масло од канабис за медицински цели, да се легализира и трговијата со сув цвет од марихуана, односно она за кое што беше уапсен началникот на прилепската полиција „Чипсио“, пред неколку месеци да стане нормално и секојдневие кое на фирмите на Заеви ќе им носи годишно милиони евра, чист приход и заработка. Ова што Заев сака да го направи е претворање на кланот Заев во нарко картел Заев од кој тој и неговите блиски луѓе енормно ќе се богатат на сметка на државата и граѓаните“ – рече Арсовски.