Апелација треба да се изјасни за жалбите за „Титаник“

Од:

Апелацискиот суд денеска треба да ги објави решенијата по жалбите за мерките за претпазливост изречени од Кривичниот суд за обвинетите во предметот „Титаник“ на СЈО за изборни нерегуларности.

За обвинетите во случајот „Титаник“, меѓу кои поранешниот премиер и лидер на ВМРО-ДПМНЕ Никола Груевски, како и поранешните министри за транспорт и врски Мили Јанакиески и за внатрешни работи Гордана Јанкулоска, поранешниот шеф на премиерскиот кабинет Мартин Протоѓер и поранешниот генерален секретар на владата Кирил Божиновски, на јавните седници во Апелацискиот суд во петокот, СЈО побара притвор како мерка за обезбедување присуство.

Специјалното јавно обвинителство смета дека обвинетите можат да избегаат и да влијаат на сведоци или на други обвинети. Овинетите, пак, се изјаснија дека не се виновни, дека немаат намера да бегаат и побараа укинување на мерките за претпазливост.

Апелацискиот суд досега ги одби сите поднесени жалби на решенијата на Кривичниот суд во врска со предметите на СЈО.

Би можело да ве интересира

Судењето за случајот „Титаник“ одложено за 30 септември

Продолжуваат судењата за „Таргет-Тврдина”, „Титаник“ и „Плацеви на Водно“

Утрешното рочиште за случајот „Титаник” се одлага за 22 септември

Ана Ололовска

Судењето за „Титаник“ продолжува на 14 септември

Падна „Титаник 3“ и затворската казна за експратеникот на ДУИ, Ејуп Алими

Ана Ололовска

Од крај на август почнуваат судењата за предметите кои се вратија од почеток поради разрешениот поротник

Кристијан Ландов