Глобалниот сајт „Евробаскет“ ги промени податоците за националноста на македонските кошаркари. На профилите од Перо Антиќ, Дамјан Стојановски и Ѓорѓи Чековски во делот за националноста беа запишани како Северно Македонци. Тоа сепак беше променето по само еден ден.
Исто така доколку се одбереше лигата на Република Македонија, сајтот покажуваше резултати од Северна Македонија. Кошаркарите имаат бројни успеси во репрезентацијата на Македонија.
Во кариерата на Антиќ се запишани клубови од земјава, Балканот и САД. Стојановски е прогласен за најдобар кошаркар на Македонија во 2014 година, додека неговиот колега Чековски е меѓу шесте најдобри играчи на првенствата во различни категории.
Сајтот „Евробаскет“ е креиран во 1997 година, кој застапува 248 кошаркари од преку 196 земји и 435 лиги. Базата ја сочинуваат профили на повеќе од 500.000 кошаркари и тренери.
Кристијан Ландов