Анонимуси Македонија се јавија по видеото кое се појави на Јутјуб, а кое содржеше закана до лидерот на СДСМ Зоран Заев, дека ќе објават компромитирачки материјали за него.
-Нашата страница нема направено вакво видео и не стоиме зад ова. Се сомневаме дека видеото е направено за нечии политички поени. Не наседнувајте. Анонимуси не се и никогаш не биле партиски поврзани, напишааа Анонимуси Македонија на својата Фејсбук страна.
Обидот за аматерското сценарио, да се објават материјали од службите против опозицијата , а да не испадне дека зад тоа стои државата беше претставен преку едно видео на Јутјуб зад кое наводно стоеа Анонимуси Македонија. Подоцна се појави и информација дека биле хакирани информациите од комјутерот на СДСМ од страна на Анонимусите, што беше демантирано од страна на партијата. СДСМ демантираше и дека воопшто пријавиле во МВР кражба на информации од комјутер, и појаснија дека сите материјали се на сигурно место.