Анима Мунди: На Струмичкиот карневал жив штрк се користи како маска

Од:

„Доставена ни е фотографија од загрижени посетители на Карневалот и граѓани, на која се гледа како жив штрк се користи на фестивалот како маска, со цел да и се помогне на птицата.

Со цела должна почит кон фестивалот, кој ја негува традицијата и каде меѓу традиционалните маски од македонскиот фолклор во карневалската парада, преку сатира и креативност се вметнуваат и нови идеи за маски, фрапирани сме од леснотијата со која дозволувате животните да се користат за забавни цели како да се предмети.

Во отсуство на инвентивност и креативност, употребена е благородна дива птица како дел од маска при што птицата е оттргната од нејзината природна средина, затворена во мал кафез, непотребно изложена на страв и измачување. Во време кога дивиот свет ни се намалува рапидно пред очи, организаторот дозволува флагрантно кршење на законот за благосостојба на животните и уништување на дивиот свет, без трошка одговорност. Птицата е лишена од слобода, употребена небаре е ефтина играчка купена во продавница и втурната безмилосно во карневалскиот метеж.

Карневалот е членка на Европската федерација на карневалски градови, кои кога би ја виделе слкикава ќе бидат гневни. Во европските градови штрковите се позитивен симбол и носат радост меѓу граѓаните, а самите општини им помагаат со градење на гнезда и живеалишта.

Од Градоначалникот, општината и фестивалскиот одбор бараме најитно да ни го достават идентитетот на лицето кое го употребува штркот како маска и итно негово исклучување од конкуренција за најдобра маска и бараме докази и ветеринарна потврда дека птицата е добро, дека се опоравува од траумата и стресот и дека е пуштена на слобода. Во спротивно, организаторот ќе биде пријавен во Федерацијата како фестивал кој дозволува суровост и изживување спрема животните.

Воедно бараме од надлежните инспекторати при Агенција за храна и ветеринарство и ловниот инспекторат да реагираат во согласност со законската регулатива, а на организаторот му советуваме, во иднина при одредувањето на критериумите и условите за учество на Карневалот, да ја земе сериозно предвид и благосостојбата на животните“ се вели во соопштението на Анима Мунди.

Би можело да ве интересира

Свирепо мачење штрк во Гевгелија, Анима Мунди бара итна инстиуционална реакција

Заменик директорот на „Македонија пат“ Сашо Дранго убива мечка и позира со неа, Анима Мунди бара негово разрешување

A1on

Група граѓани одржаа протест и марш во Тетово, поради кучето кое угина по пад од зграда

„Анима Мунди“ ги повикува пратениците да ги поддржат измените на Законот за заштита и безбедност на животните

Анима Мунди: Инвеститорот и пожарникари го натерале кучето во Тетово да скокне

А1он

ВИДЕО: Продолжува суровоста во Македонија-куче фрлено од седми кат

Предраг Петровиќ