Згрозени сме од веста која горделиво е презентирана на телевизија Кобра, за извесен Славчо Трајчев од село Дедино кој нападнал волчје легло и од мајката одзел 6 мали тукушто прогледани волкчиња. На ова лице не му било прв пат – досега одзел 215 мали волци од нивните мајки, ги изложил на страдање и убил, реагира „Анима Мунди“.
„Срам ни е што живееме меѓу луѓе кои немаат основна почит кон животот, мајчинството и природата. Кукавици и патолошки насилници кои силата ја демонстрираат врз послабите и ништо не им е свето! БАРАМЕ институциите да реагираат и малите волци да бидат спасени, вратени во леглото веднаш! БАРАМЕ најстрога казна за Славчо Трајчев од Дедино за кршење на Законот за заштита и благосостојба на животните и Законот за ловство“, вели „Анима Мунди“, здружението за заштита на животните и најавува пријава против убиецот на доенчињата.