„Дали се боревме за Македонија во која има политички затвореници, за Македонија во која владее страв“, праша на трибината во Битола, лидерот на „Достоинство“, Стојанче Ангелов.
Брат Љубе не те оставаме, порача Ангелов, ќе направиме се за да те извдеме од затвор. Ќе покренеме Закон за амнестија на брат Љубе, иако рече, тој е невин и е политички затвореник.
„Достоинство“ не верува дека ВМРО-ДПМНЕ ќе го гласа законот, но велат, срамота е човекот кој се бореше за Македонија да скапува во македонските затвори.
Оваа коалиција, рече Ангелов, ќе му зададе смртен удар на ВМРО-ДПМНЕ и на Груевски.
„Од средбата со Бранко Црвенковски излеговме живи. Не се сретнавме со оној Црвенковски од спотовите на ВМРО-ДПМНЕ. Се сретнавме со друг Бранко, кој што сега знае дека треба да се решаваат проблемите. И на Црвенковски му е јасно дека без помош од Љубчо Георгиевски нема да можат да го скршат Груевски, тој е производ на Гергиевски, рече Ангелов.
„Вие го создадовте Груевски, вие со наша помош треба да го уништите“, му порача Ангелов на лидреот на ВМРО-НП.