Анализа: Ковид 19 катастрофален за феминизмот, жените се во подредена улога

Од:

Ковид 19 е катастрофален за феминизмот. Целопкупното јакнење на жените за нивно подеднакво вклучување во општествените, економски и политички текови, споделените обврски и улога со мажите во семејството, домот и општеството се намалуваат и можат да исчезнат во текот на кризата. Откако се воведени мерките, во државата владее доминација на родовиот стереотип дека улогата на жената е да се грижи за домот и за семејството.

Ова го покажува анализа од истражувањето спроведено од здруженијата Радар, ЕХО -Штип, Гласен текстилец, Рурална Коалиција, Движење против хендикеп Полио плус и Националната мрежа за борба со насилството врз жените и домашното насилство.

Нивните забелешки се од родова перспектива и имаат за цел да го намалат родовиот јаз кај мерките кои се носат од страна на Владата имајќи ја предвид, како што посочуваат здруженијата, изразената подредена улога на жената за време на кризата.

-Додека нашата Влада се бори со невидливиот непријател, со буџетскиот дефицит непредвиден пред епидемијата, со сопрената потрошувачка и запрениот процес на производство и заработка, жените се на прва линија во битката со вирусот како лекарки, медицински сестри, болничарки, хигиеничарки, но и дома, каде во услови на самоизолација и ограничено движење го преземаат најголемиот дел од работата во домаќинството (пазарење, готвење, оддржување на хигиената), наведуваат во соопштението.

Според здруженијата, жените дополнително ја имаат и улогата на едукаторки заради преминот кон онлајн образование потпрено на стожерот – родителска поддршка во учењето и извршување професионални обврски од домот – нивната платена работа во услови на пандемија.

Оваа криза, како што наведуваат во анализата, во огромна мера ја прикажа родовата нееднаквост.

-Иако политичарите ни велат дека не е време за ништо друго освен итен одговор на кризата, организациите кои се членки на Мрежата која ги користи алатките за родово одговорно буџетирање во следењето на Владата за тоа како се трошат јавните пари, во соработка со партнерските мрежи како Националната мрежа за борба против насилството, укажуваат и посочуваат на Владата, локалните самоуправи и меѓународните организации во земјава начини да ги намалат негативните влијанија врз родовата еднаквост во процесот со справување со Ковид 19, наведуваат во соопштение.

Би можело да ве интересира

Кошаркарките во „меурот“ во Рига засилени со Бонер и со Митрашиновиќ

Повеќе од 170 држави ветија дека ќе сторат повеќе за правата на жените

Ана Ололовска

Платформа за родова еднаквост: Абортусот е неопходна здравствна услуга и во време на пандемија

Ана Ололовска

Прва тужба поради родова дискриминација во спортот во земјава

Ана Ололовска

Жените се поизложени на економските последици од пандемијата, вели ММФ

Жарко Настоски

ВИДЕО: Жени во Хрватска се степаа околу носењето заштитни маски

Жарко Настоски