„Аналитика“ ќе изготвува извештаи за пристапот до информации и заштитата на лични податоци

Од:

„Транспарентни и ефикасни државни регулаторни и надзорни тела“ е проектот преку кој истражувачи на „Аналитика“ ќе ја следат работата на Комисијата за заштита на правото на пристап до информации од јавен карактер и на Дирекцијата за заштита на лични податоци и преку објавување квартални извештаи.

Тимот на „Аналитика“ ќе објавува тримесечни извештаи кои ќе содржат препораки, како и финален извештај за нотираните трендови во кварталните извештаи.

– Целта е зголемена јавна контрола преку следење на работата на  Комисијата и Дирекцијата за подобрување на нивните перформанси, ефективност, транспарентност како и отчетност што треба да придонесе за воспоставување отчетен јавен сектор, рече Магдалена Лембовска, истражувач за безбедносни прашања во „Аналитика“.

Се надеваме, додаде Лембовска, дека преку нашите активности ќе успееме да придонесеме за подобрување на состојбите.

Пол Едвардс, заменик амбасадор во Британската амбасада во Скопје, истакна дека согласно Уставот, слободниот пристап до информации и нивниот пренос се гарантирани.

– Многу е важно да се разбере како да се поддржи пристапот до  информации и заштитата на личните податоци бидејќи тие меѓусебно не се исклучуваат. Улогата на граѓанското општетсво е исто така  важна во однос на она што се држи во тајност и да помогне да се даде исказ зошто јавноста не треба  да знае за тоа, рече Едвардс.

Проектот е поддржан од Британската Амбасада во Скопје и ќе се спроведува до крајот на март 2018 год.

Би можело да ве интересира

Со туѓи лични податоци земале 11 брзи кредити вредни над 5.000 евра

Спасовски ја демантира Антикорупциска: Нема масовна злоупотреба на податоци

Орце Костов

ДИК не го тестирала софтверскиот систем пред изборите, загрозени личните податоци на граѓаните

А1он

Безбедноста на личните податоци најголема грижа на Европејците на интернет

Полициската регулатива за заштита на лични податоци да се имплементира во македонското законодавство

„Твитер“ призна дека споделувал лични податоци на корисници со огласувачи