Амнести: Состојбата со човекови права во Македонија – влошена

Од:

Во 2011-та година во Македонија состојбата со почитувањето на човековите права е влошена, констатира Амнести Интернешнл, организацијата за човекови права во својот годишен извештај.

Изградбата на националистички споменици ги засилило меѓуетничките тензии. Владата ја ограничува слободата на медиумите.

Амнести Интернешнл во делот за Македонија наведува дека во 2011. година се заостриле тензиите меѓу различните етнички групи во земјата: „Повод беше изградбата на националистички споменици, кои се однесуваат на етничките Македонци. Во февруари етничките Албанци, меѓу кои и претставници на ДУИ, се обидоа да спречат изградба на музеј во форма на црква на Калето во Скопје. Притоа беа повредени осум лица.

Нотиран е и прекинот на пописот.

Во октомври беше прекинат пописот на населението непосредно по почетокот, поради тоа што не можеше да биде постигната согласност дали етничките Албанци кои живееле надвор од Македонија подолго од една година треба да се бројат или не“, се наведува во извештајот.

Амнести вели дека продолжува лошото постапување на полицијата, а обвинителството не ги истражува ефективно наводите за тоа. Особено се посочува на лошото постапување на полициската единица „Алфа“.

Се уште не е иницирана постапка по жалбата од Калед ел-Масри против Македонија до Европскиот суд за човекови права – случај од 2003-та што се однесува на улогата на Македонија во неговото киднапирање и тортура 23 дена во Скопје.

Слободата на изразувањето на новинари и независни медиумски работници е се повеќе ограничено со владино мешање, што се протега од директно заплашување до контрола на рекламните компании. До октомври 105 случаи на клевета биле отворени против новинари.

„Во јануари властите ги замрзнаа сметките на телевизијата А1, како и со нејзе поврзаните весници Време, Шпиц и Коха е Ре, кои беа критички настроени кон владата. Претходно, во декември 2010. година, уапсени и затворени беа сопственикот на А1 ТВ и 14 други лица, осомничени за измама и затајување данок. Врз процесот што следуваше се вршеше силно политичко влијание, а освен тоа има и забелешки поради должината на притворот“, се вели во извештајот на Амнести.

Наведена е и забелешка за „промените на Законот за радиодифузија кои според Амнести донесоа засилена контрола од страна на владата врз Советот за радиодифузија, кој е надлежен за електронските медиуми“.

 

 

Би можело да ве интересира

ССНМ со осуда за физичкиот напад врз Златев

Ана Ололовска

Златев нападнат во кафуле: Додека ме напаѓаше, ми се дереше „Излези надвор, многу си ни згрешил“

Ана Ололовска

ССНМ со осуда на онлајн нападите врз новинарката Мирослава Бурнс

Ана Ололовска

ЗНМ и СЕММ го осудуваат прекршувањето на изборниот молк од онлајн-медиуми

Ана Ололовска

Остануваат уште девет дена за аплицирање на Конкурсот за „Награда од ЕУ за истражувачко новинарство“

Ана Ололовска

Медиумите може да поднесуваат барања за субвенционирање на социјалното осигурување за вработените

Ана Ололовска

Leave a Comment

eighteen + 2 =