Амбасадорот Бејли на проштална средба со премиерот Заев

Од:

Нашата земја и САД на најдобар можен начин го потврдија стратешкото партнерство, порача премиерот Зоран Заев на вечерашната проштална средба со амбасадорот на Соединетите Американски Држави Џес Бејли.

Премиерот Заев, информираат од владината прес-служба, на средбата ја изрази неговата лична, благодарноста на Владата на РСМ и на граѓаните на нашата земја за активниот придонес на амбасадорот Бејли за време на неговиот мандат, во еден исклучително значаен период кога поддршката на САД, како стратешки партнер на Република Северна Македонија, беше од огромна важност во процесите за нашето членство во ЕУ и НАТО.

Амбасадорот Бејли, од своја страна, истакна дека му е особено драго што за време на неговиот мандат, со решавање на спорот со Грција и со Договорот од Преспа, Република Северна Македонија направи историски исчекор за кој беше неопходно покажаното лидерство на челните луѓе на владите на двете земји, што САД и претседателот Трамп, го оценија како значаен придонес за постабилна и попросперитетна иднина на двете земји и за целиот регион.

На оваа проштална средба, премиерот на амбасадорот Бејли му подари фотографија со посвета од една од нивните бројни меѓусебни средби во знак на сеќавање за извонредната соработка.

Би можело да ве интересира

(ВИДЕО) Мицкоски: Човекот кој што беше осуден за бугарските тенкови денеска треба да го решава историскиот спор со соседна Бугарија

Заев до пратениците од опозицијата: Ова е срамна непочит кон македонските граѓани

Катерина Павлова-Николовска

Заев: Обидот да се блокира Собранието е опасно, срамно и неодговорно однесување

Катерина Павлова-Николовска

Заев на Самитот „Македонија 2025“: Обезбедуваме сигурност на инвестициите со воспоставување на владеење на правото

Мицкоски: Тешко на Македонија ако решението се „тандемот лепливи прсти Заев и Бучковски“

(ВИДЕО) Андоновски: Заев го смета македонскиот народ за експериментална нација