Главниот проблем е што антибугарскиот говор не беше казнет со санкции на Министерството за внатрешни работи во Република Македонија, рече бугарскиот амбасадор во Македонија, Ангел Ангелов денеска на брифингот во Комисијата за надворешна политика во Народното собрание во Софија која ја предводи поранешната министерка Екатерина Захариева.
Ангелов беше повикан од претседателот на Комисијата за надворешна политика, Екатерина Захариева, да ги информира народните избраници за состојбата во Македонија каде минатата недела брутално беше претепан македонскиот Бугарин Христијан Пендиков, објави БГНЕС.
„Не е можно шефот на дипломатијата на Македонија да дојде во Софија, да разговара со Пендиков и да допре тема за напад на омраза, а вчера вечерта заменик министерот за локална самоуправа да се појави на некоја програма и да каже дека Христијан бил нападнат затоа што дошло до судир со наркодилери и тоа била целата криминална активност“, рече амбасадорот Ангелов.
Тој нагласи дека се недозволиви обвинувањата за некаква криминална активност, која властите во Скопје сакаат да ги припишат на жртвата на бруталниот напад.
„Тврдењата дека на Пендиков му се судела за продажба на дрога се недозволиви. Излегол од државата со пасош, поминувајќи ја граничната контрола, односно никој не го бара“, објасни амбасадорот Ангелов.
Тој изјави дека Пендиков кон крајот на декември поднел барање за бугарско државјанство со отстранување на криминално досие издадено од Македонија.
Незамисливо е да се објавуваат вакви лажни вести“, нагласи амбасадорот Ангелов и додаде:
„Ние како дипломати сме испратени да градиме мостови, но за танго се потребни двајца, потребни се напори и од Република Северна Македонија“.