И ДПА му откажа „љубов“ на спикерот Велјаноски. Координаторот на ДПА Имер Алиу, соопшти дека сега е моментот за да се спречи донесувањето на Законот за бранителите.
ДПА се повлекува од координациите кај Велјаноски, поради Законот за бранители. Од партијата велат дека станува збор за еднонационален антиалбански закон
Алиу ја повика ДУИ, доколку нема претходен договор со ВМРО-ДПМНЕ да ја напушти Владата бидејќи, вели страдаат Албанците
ДУИ веќе соопшти својот став дека нема да го поддржи Законот за бранители доколку во него не се вметнат и борците на ОНА, а доколку мнозинството во Собранието го усвои во сегашната форма, од партијата рекоа дека сите опции се отворени. Има информации дека ДУИ може, ова да го блокира и со поднесување на илјадници амандмани.
ВМРО-ДПМНЕ остануваат на ставот дека не го повлекуваат законот. Премиерот Груевски изјави дека ВМРО-ДПМНЕ нема да дозволи да се гази достоинството на македонскиот народ во замена за владејачка позиција.
Законот за бранителите на Комисијата за труд и социјална политика ќе се разгледува во среда.