Коалицијата Алијанса на Албанците и Алтернатива реагира на денешната одлука, донесена по средбата меѓу премиерот Зоран Заев и лидерот на ВМРО-ДПМНЕ Христијан Мицкоски, пописот на населението да се одложи за септември годинава.
Еве го во целост соопштенито од АА/Алтернатива:
„ДУИ, која се преправа дека е претставник на Албанците во Владата, денес уште еднаш го потцени своето гласачко тело и сите Албанци. Самиот Зоран Заев потврди дека само го известил Ахмети за одлуката за одложување на пописот по телефон и дека не го прашал за неговиот став во врска со ова прашање. Мицкоски, во меѓувреме, го нарече само квантитет, а не квалитет. На овој начин, од партија што влезе во владата мамејќи не со „албанскиот премиер“, ДУИ денес се претвори во партија што им прави поголема штета на Албанците, овој пат со одложување на пописот.
Сепак, ги информираме Заев, Мицкоски и Ахмети дека дури и ако успеат да не надминат преку бројките и да го одложат пописот, тие никогаш нема да можат да го намалат бројот и процентот на Албанците во Северна Македонија.
Нашите штабови и активисти, и во дијаспората и во земјата, ќе бидат будни и активни, па кога и да биде назначен, ние ќе бидеме тука за да ја подигнеме свеста и да го спасиме овој процес. Во меѓувреме, за секоја зделка што ќе ја направите на штета на Албанците, еден ден сите ќе одговорите!
Во оваа прилика, би сакале да ве потсетиме дека Заев и Мицкоски се предадоа пред една единствена тема – проблемот со државјанството, процес што беше инициран и го спроведува Алијансата за Албанците и Алтернатива. Првично побараа од нас да седнеме, а наскоро ќе бидат принудени да го решат овој проблем, бидејќи тие знаат дека не сме сите Албанци ДУИ и Ахмети,“ се вели во соопштението.