Претседателот на Демократската унија за интеграција Али Ахмети објави дека денеска имал средба со лидерот на Беса, Биљал Касами.
„По минатонеделниот телефонски разговор, денеска во Скопје се сретнав со претседателот на Беса, господинот Биљал Касами. Заеднички изразивме задоволство од завршувањето на предвремените парламентарни избори на 15 јули и ги поздравивме оценките на меѓународната заедница и особено на ОБСЕ/ОДИХР“.
За време на конструктивната средба, се согласивме да ги продолжиме нашите напори на евроатлантскиот пат на земјата, како и за долгоочекуваните реформи насочени кон владеењето на правото, преку отворен и континуиран дијалог.
Во следните денови, се надевам дека ќе одржам работни средби со лидерите на албанските опозициски партии, во интерес на граѓаните на нашата земја,“ напиша Ахмети на Фејсбук.
