Претседателот на ДУИ, Али Ахмети неделава е повикан на разговор во Специјалното јавно обвинителство.
– Потврдуваме дека Ахмети е повикан да даде исказ во СЈО, во својство на сведок во предистражна постапка. Но, заради тајноста на предистражната постапка не можеме да откриваме за кој случај Ахмети е повикан, вели обвинителката Ленче Ристоска за А1 он.
Сепак, се дознава дека се работи за случајот „Космос“, освен Ахмети во тек било сослушување и на други сведоци во овој случај.
Урнатиот објект „Космос“ на бизнисменот Фијат Цаноски на двапати беше споменат во „бомбите“ што ги објави лидерот на опозицијата Зоран Заев.
А.Б.